أحمد عادل ممدوح

في عالم مليان دوشه، فيه ناس بتدور على صوت يستاهل إنك تقف وتسمعه. أحمد عادل مش مجرد صوت على الهواء، ده حكاية بدأت من شغف بالكلمة والأداء والاحساس التركيز والاصرار، وكبرت لحد ما وصلت لمناصب قيادية وإعلامية في أكبر المحطات الإذاعية.

خريج كلية الإعلام والعلاقات العامة، بدأ رحلته من إذاعات أونلاين قبل ما يوصل لمواقع رسمية ويفتخر انه كان من الكيان بتاعها زي راديو مصر إف إم وإذاعة الشباب والرياضة، لحد ما وصل لأعلى منصب ممكن يوصله إعلامي اثبت كفاءته وجدارته وهو منصب مدير تنفيذي في مؤسسة راديو مصر الاإعلامية إف ام وايضاً مقدم برامج بماسبيرو.

بس الحكاية موقفتش عند التقديم وبس لاء شغفه وسقف طموحه كان لسه اكبر من كده وكان عايز يوصل صوته ورسالته للعالم كله. الصوت بقى أداة بيستخدمها في كل حاجة من التعليق الصوتي بكل أنواعه (وثائقي، إعلانات، مسلسلات، Promos، IVR)، لفن الدوبلاج، لحد صناعة وتقديم Podcasts والبرامج.

ودلوقتي، بيقضي جزء كبير من وقته بيورّث الخبرة دي مدير برامج تدريب ومحاضر إعلامي لأكتر من أكاديمية عالمية ومحلية، وبيحاضر بشكل خاص برايفت كمان ومع اكثر من اكاديمية تعليمية في مصر وخارج مصر، وقدّم ورش ودبلومات وكورسات في التعليق الصوتي والتقديم الإذاعي والبودكاست والدوبلاج لأكتر من 8,000 طالب وطالبة وفيهم أسماء بقت معروفة في المجال دلوقتي، وده حاجة بيفتخر بيها جدًا. ومعاه TOT (Train the Trainer) معتمد من البورد الأوروبي والجامعة الألمانية، اعتماد دولي يضمن إن التدريب منهج حقيقي ومدروس.

والحكاية لسه مكملتش. الموقع ده هو فصل من فصول حياته بس واللي لسه بيحلم وبيسعي لتحقيق باقي الفصول وبيكمل تطوير عشان كل اللي بيحلموا زيه، وفي الطريق تطبيق جديد اسمه Joubaverse، هيبقى فيه عالم الصوت والأداء والإعلام كامل، لكل طلابي وزمايلي وكل من عايز يعيش التجربه ويدوق طعم ومتعه المجال والتحدي، ولأي حد حابب يكتشف المجال ده سواء شغل، فن، أو حتى هواية .. واوعي تنسي احلامك واسعي واجري وهتحقق واتمني تتبسط في الرحلة هنا وتحققوا كل احلامكم.